A cultura galega viaxa
nas nosas maletas creativas
Presentamos Bibidú "COLES": Catro diferentes maletas educativas e creativas dedicadas á difusión da cultura e lingua galega, ao respecto medioambiental e á animación lectora.
Estes catro diferentes kits de xogos, talleres e actividades, transportables nunha maleta pequena, compacta e personalizada, foron ideados para os cursos escolares de 1º, 2º e 3º ciclo de Educación Primaria, centrándonos fundamentalmente entre as idades dos 7 aos 10 anos.
Forman parte dun proxecto orixinal de Mekané Didáctica.
Con esta proposta facilitamos aos/ás escolares a posibilidade de abrir a porta destes interesantes escenarios con experiencias imaxinativas, didácticas e lúdicas, fomentando sobre todo os aspectos pedagóxicos e de entretemento. As maletas ofrecen numerosas actividades creativas e construtivas xunto cun completo manual e unha unidade didáctica en cada modelo de Bibidú.
Dentro de cada maleta existe unha completa guía de instrucións facilmente comprensible para que poidan cumprimentar todas as actividades e obradoiros destinados aos/as escolares.
Poden desenvolver os obradoiros propostos colectivamente ou libremente, sempre baixo supervisión do profesorado.
A posta en marcha do proxecto consistiría na produción dun número determinado de maletas de cada temática que se distribuirán, segundo o criterio da institución responsable do proxecto, nos centros educativos designados.
Entregamos unha maleta de cada temática por cada centro educativo e, cada unha delas, contería unha unidade didáctica explicando os contidos da mesma e a metodoloxía didáctica aplicada en cada maleta.
Tamén inclúe todos os materiais precisos para o correcto desenvolvemento das diferentes actividades expostas.
Pódese consultar a ficha técnica desta proposta educativa aquí.
As ilustracións, a idea orixinal e a propiedade do proxecto serán propiedade exclusiva de Mekané Didáctica S.L.U. No caso de que unha institución estea interesada e comprometida con proxecto Bibidú. Maleta creativa, Mekané Didáctica cedería temporalmente os dereitos de imaxe e contidos á institución responsable da difusión do proxecto e por un tempo acordado baixo contrato por ambas partes.
Este proxecto adáptase ao Código de autorregulación da publicidade infantil 2023 do Ministerio de Consumo, ao Regulamento 690/2021 (UE) e á Lei 4/2022, do 25 de febreiro.